EC Meeting

A voi 1nk Zion Baptist Church EC meeting
Egersund, Norway

Ahmun: Zion Baptist Church (Frikirken), Egersund
Acaan: 15:45pm-17:00pm
Ani: March 15, .2009

Meeting akaimi hna
01. Pu Tluang Hnin
02. Pu James Bawi Hnin
03. Pu Daniel
04. Pu Run Cung
05. Pu Bawi Lian Mang
06. Pu Sang Uk
07. Saya Ceu Mang


Sawmmi hna
08. Pu ThangUk
09. Pu Hei Ling
10. Pu Za Mawng
11. Pi Ni Cia
12. Pi Fam Hniang
13. Pi Hlei Tial
14. Pu Ngun Ceu Hnin
15. Salai Tial Bawi Hlun

Meeting thawknak
Church Chairman Pu Tluan Hnin nih Meeting a hruai i Secretary Pu James Bawi Hnin nih record a tial,.Pi Ni Cia thlacam nak in kan meeting hram kan thawk. Pu Tluang Hnin nih 13.03.2009, Khrihfa upa meeting rak tuah ciami kha a hrilh fiah. Saya Ceu Mang nih Meeting kutrit ningcang a kan chimh i cuning cun meeting hruaihram kan thawk.

Biachahnak
2009/EC/01/01- ZBEF nih kumkhat chung rianttuan ding an chuahpimi a tanglei hna cu lunglawm tein kan theihpi hna.
1. Kumkhat ah voi 4 zarhpi pumhnak progam an hal mi cu lunglawmh tein kan cohlan.
2. ZBWF min in Innkip ah thla 4 dan in lawmbawm kholh le thlacam piaknak program cu lunglawm tein kan theihpi hna.
3. Bawipa zanriah hmannak fimtawl cu ZBWF nih tuanvo lak ding in timhtuahnak an ngeihmi cu lunglawmhnak robia kan ttial.

2009/EC/01/02- A tanglei rianttuannak hna cu ZBYF nih zaanghlei cawi in ttuanvo kan lak piak hna seh tiah kan lung a tling.
1. Chuch School cawnpiaknak lei ttuanvo
2. Music le Hlaremh lei ttuanvo
3. A phu in a rami khualtlung mileng zohkhenhnak ttuanvo
4. Khrihfabu mipi ningin danghnak (nisunglawi X’mas, Kumthar, ti phun ah) ttuanvo
5. Biakinn lei rian herh dangdang

Note: Tlingte in HIKA ah relding.

***

Zion Baptist Youth Fellowship Hruainak Phung

Biahmaisa: Zion Baptist Youth Felowship (ZBYF) cu ZBC chungtel mino hna lung ihmuhnak in (Date_________) ah dirhmi a si. ZBC phunghram (Consitution) aa hrawm nain zalawng tein rianttuan awk ah amah dang tein dirhmi a si caah ZBYF nih adang tein hruainak phun ingeih a hau ve. Abik in mino cu a tthang liomi, thilthar tampi tuah a duhmi le fimnak cawng liomi kan si caah hruainak phung kan isermi zong nih vangkau ngai le luat tein a kan cawlter khawh kha a biapi ngaingai.

ZBYF cu Khrifa lei hruainak in dirhmi a si caah Pathian rian ah hram a bunh i mino kip nih Bawipa ttih cu fimhram thawknak a si ti kha kan tlaihtleng ah kan ilak. Cun mino kip nih thawngttha an theih khawhnak lai le Khrih nun an ilak khawhnak lai program phunphn tuah aa tim.. Cu leng ah Chin miphun dirhmun le kokek kan sining tein daihnak sertu ah Pathian nih a kan hman ve nak kha Norway mi le cozah zong nih fiang tein an kan theihthiam nak ding tiang langhter ve kan duh. Chin nunphung dirhkamhnak le Norway mino sin in mino hna caah a tthami Norway holh le nunphung ilak zia thiamnak hna caah hi ZBYF hruainak phung cu kan iser ve nak a si.

DAL. Ink
Amin le umnak

1. Hi hruainak cu Zion Baptist Youth Felowship hruainak phung ti a si lai.
2. Hi bu a min cu Zion Baptist Youth Felowship (ZBYF) ti a si lai.
3. Hi bu umnak cu ZBC hruainak tang ah zalawng tein dirh in a ummi a si lai.

DAL IInk
Tinhmi

4. Hi bu nih aa tinhmi hna cu;
1. Khrih cawnpiakning le Baibal bia ning in ihruainak
2. A laam kip in Mino kip tthanchonak lei riantuannak
3. Chin miphun sining (Chin identity) dirhkamh thiamnak
4. Norway holh le icawn awk ttha Norway nunning ilak zia thiamnak
5. Mino ihman in thawngttha a karh i vulei ah daihnak, remnak, zalennak le dawtnak a lennak lai democracy phung in ihruainak hna a si.

DAL IIInk
Chungtel sinak le dinhternak

5. ZBYF hruainak phung a pom i chungtel si a duhmi poah cu a tanglei ning in chungtel ah cohlan an si lai.
1. ZBC nember mino dihlak cu ZBYF chungtel ah khumh an si lai.
2. Zei bantuk mino poah miphun le biaknak dan loin pumpak chungtel incohlan a si lai.
2. Chungtel in dinhternak cu;
1. Amah lungtho in a chuakmi
2. Hi hruainak phunghram he kalh in a um i Mino Komiti nih dinhtermi
3. Nu le nu, Pa le pa aa tthi ummi,
4. A thimi

DAL IVnk

ZBYF Hruai ningcang

3. Hi hruainak cu mino dihlak lung ihmuhnak le rualremnak in dirhmi a si caah democracy phung in ihruai le thim a si lai.
4. Mino dihlak dinfelnak le tthanchonnak ruah ah dirhmi a si bantuk in riantuanmi dihlak kha tuanvo ngei nih thuhnawh mi um lo in chungtel sin theihterdihnak phung (Transparancy) kha aa tlaih peng lai.
5. ZBYF riantuannak tlamtlin khawhnak caah ZBYF ah a sangbik nawlngeitu a si mi chungtel dihlak an itelnak ZBYFMino bupi meeting nih ZBYF Committee cu kum hnih dan ah voikhat in thim a si lai.

DAL Vnk
ZBYF Komiti rian

6. ZBYF Committee cu a mino upa 10 (atlawm bik nu pa li) in dirh a si lai.
a. Chairman
b. Vice-Chairman
c. Secretary
d. Asst. Secretary
e. Treasurer
f. Asst. Treasurer
g. Chungtel 4
7. ZBYF dirhmun (Policy) tuaktantu le phawrtu a si lai.
8. Phaisa hmuhnak le hmannak fehtertu, kawltu le tuaktantu a si lai.
9. Caan karlak a lawngmi Committee chungtel thimnak nawl a ngei lai.
10. Mino Committee cu thla hnih dan voi khat kum khat ah voi ruk meeting tuah a si lai.
11. Komiti nih a herh a ti ahcun Mino bupi lakhruak (Emergency) meeting auhnak nawl a ngei lai.
12. ZBYF nih kum khat chung riantuanak ding program poah kha ZBC ah theihternak a tuah lai.
13. ZBYF Committee i nih mino tthanchonak ah a tanglei komiti hna hi ZBYF chungtel dihlak chung in thim caan poah ah thim a si lai.
1. Music Committee
2. Church School Committee (CE)
3. Lentecelhnak Committee
4. Baibal lei biaruahnak Committee
14. Music Committe cu chungtel pa sarih in dirh a si lai.
1. Mino music lei tthanchonak tuanvo a lak lai.
2. Zing pumh kip ah choir le hlaremh ngeihkhawhnak le hlaremh ding tawlreltu a si lai.
3. Church pumhnak le mipi itonnak ah music le hla lei tuanvo a lak lai.
15. CE Committe cu ZBC EC he fonh in chungtel pahra in dirh a si lai.
1. Church mino nih Khrih cawnpiak ning in an tthan khawhnak caah Chucrh school program a ngeihnak lai tuanvo a lak lai.
2. Church school ah class cio nih cawn awk cauk tawlreltu a si lai.
3. CE lei tthanchonak ah program phunphun a tuah lai.
16. Lentecelhnak Committee cu Egersund CCN he fonh in minung panga in dirh a si lai.
1. Mino lung ihmuhnak le hawikawmhnak ah lente celhnak a phunphun a tuah lai.
2. Lentecelhnak lei tthanchonak program a phunphun a tuah lai.
17. Baibal lei biaruahnak Committee cu mino hna nih baibal an theihnak lai biaruahnak phu a ser piak lai.
1. Zarh fatin mino baibal ruahnak program a tuah lai.
2. Tipil innak, Bawipa zanriah le A thiangmi tthitumhnak kong cawnpiaknak le ceihttinak a tuah lai.
18. ZBYF-Committee nih kum dongh lai a donghnak meeting ah Mihamphu 3 le Auditors 2 a thim lai.

DAL VInk
Kum le Thimcaan

19. ZBYF kum cu 1 January in 31 December kar a si lai.
20. Thimnak cu kum hnih dan ah voikhat tuahmi a sangbik nawlngeitu Mino Bupi meeting tuah caan December thla chung ah a si lai.
21. ZBYF Committee lutlai hna cu mipi nih an duh rih ahcun dirhmun pakhat ah termhnih (Kumli) tiang peh khawh a si lai.
22. Mino mipi nih an duh rih ahcun termkhat dinh hnu ah thim than khawh a si lai.
23. Mino bupi meeting ah mino dihlak kainak nawl an ngei lai nain mee (Vote) peknak nawl cu kum 15 in 35 tiang nih ngeih a si lai.

DAL VIInk
Pehtlainak

24. ZBYF chungtel kip cu chungtel luhnak fund ah kum 5 in 35 kar mino pakhat nih Kr.50 in pehtlai a si lai.
25. ZBYF cu NCCYF ah siseh, Norway Baptist Youth Fellowship ah siseh, Norway cozah sin ah siseh pehtlainak a ngei lai.
26. ZBYF mino tthanchonak caah tinhnak aa khatmi zei bantuk bu poah he rianttuantti khawh le pehtlainak nawl a ngei lai.

Dal VIIInk
ZBYF – donghternak

27. ZBYF donghternak kong ah mino bu meeting a peh te in voi 2 tuahmi bupi meeting kaimi chung in 2/3 hnatlaknak in biachahnak tuah a si lai.
28. ZBYF donghnak ah hnathlaknak a um khawh lo ahcun ZBC ah pek a si lai.

DAL IXnk
Phunghramnak fehternak le remnak

29. Hi zulhphung cu ZBYF Committee meeting a kaimi 2/3 hnatlaknak in fehter a si lai.
30. Hi zulhphung cu tawrelbu meeting a kaimi cheuthum cheuhnih hnatlaknak in remh khawh, chap khawh, ser khawh a si lai.
31. Hi zulhphung cu ZBYF Committee meeting, (a voi nk , Hmun le ni ah ) tuahmi meeting nih a fehter ri in hman a si cang.

---Adih cang----

Phaisa Hmannak Zulhphung

Phaisa lei riantuannak ah zulhphung

I. Min le umnak

1. Hi zulhphung cu ZBC phaisa lei riantuannak zulhphung ti a si lai.
2. Hi zulhphung cu ZBC Bupi meeting (General Assembly) tang ah a um lai.

II. Tinhmi

1. Khrifabu thanchonak le zohkhenhnak ah phaisa hmuhnak le hmannak lutlang bunhnak;
2. Ding fel tein phaisa hmannak le chiahnak;
3. Khrifabu thanchonak ah ngeihmi phaisa ningcang tein karh ternak;
4. Khrifabu chungtel dihlak nih fiangte le foi tein phaisa umtuning theih khawhnak;

III. Phaisa hmuhnak le hmannak lutlang (Budget heads)

1. Phaisa hmuhnak cu zarhpi ni pumh thawhlawm le 1/10 in Pathian ramkauhnak, Khrifa bu riantuannak le bu ca thilri zalhnak hna ah chungtel sin in siseh, cozah le chungtel leng in siseh hmuhmi dihlak kha a si.
2. Phaisa hmannak cu ZBC riantuannak ah a herhmi phaisa hmannak a dihlak kha a chim duhmi a si.
3. ZBC phaisa hmuhnak le hmannak lutlang fehtertu le khangkhah zat fehtertu cu ZBC bupi meeting a si lai.
4. Phaisa hmuhnak le hmannak lutlang cu a tang lei ning in zulh a si lai.
5. Hmuhnak
1. Zarhpi pumh thawhlawm
2. Thawhlawmpi 1/10
3. Ni sunglawi
4. Biakinn tamhnak
5. Bawmhnak
6. Nubu thawhlawm
7. Mino thawhlawm
8. Sangpumh thawhlawm
9. Mission
10. Bank karh
11. Lenglei program
1. Commune sin in
2. Project le program
3. Riantuanti hawi
12. A dangdang
6. Hmannak
1. Pehtlainak
1. NCCF
2. CACC
3. NBU
2. Biakinn hlannak
3. Bawipa zanriah
4. Biakinn tamhnak
5. Ni sunglawi
6. Bawmhnak
7. Bu le Komiti rianttuannak
a. Nubu
b. Mino
c. Mission
d. Church School
e. Misic
8. Thilri zalhnak
9. Thilri remhnak le zohkhenhnak
10. Trianning le Laica cawnnak
11. Khualtlawmnak TA
12. Library
13. Computer le Internet
14. Zungriantuannak
15. Danghnak
16. Izohkhenhnak
17. Endowment fund
18. Laksawng
19. Bank karh
20. A dangdang

V. Phaisa chiahnak le bank card ingeihnak

1. ZBC ngeihmi phaisa dihlak cu cozah theihpimi ZBC bank account number ah ngunkeng le upa pakhat(OC chung in) min in bank ah chiah dih a si lai
2. Hmancaop ding Kr 2,000.00(thong hnih bak) lo poah cu phaisa dihlak bank ah chiah dih a si lai..
3. Phaisa chiahnak le chuahnak a foinak ding ah ngunkeng min in bank card le nettbank tuah a si lai.
4. Bank lei aa peh tlaimi catlap (document) le card poah cu ngunkeng nih a ken dih lai.
5. Hi ZBC bank account le card cu a ho hmanh nih bupi hnatlak loin pumpak caah hman khawh a si lai lo.

VI. Phaisa hmuhmi cazin khumhning

1. Zarhpi pumh dih ah Khrifa upa chung in phaisa khawl tuanvo pekmi hna le Secretary/A. Secretary nih phaisa an rel dih hnu ah pumhnak program record cauk ah an pathum min thut he cazin an khumh lai.
2. Secretary/A.Secretary nih hmuhnak lutlang ning in a then lai i receipt voucher he Treasurer kut ah minthut he a pek lai.
3. Ngunkeng nih a rel than hnu ah minthut he a cohlan lai i ZBC Cash book ah amah le lutlang ning in cazin a khumh lai.(ngunkeng nih cash book chung cazin a khumh hlan a ni lila ah a rel tthan lai i a tlin lo sual ahcun a reltu 3 sin ah a ni lila ah a thanh cawlh hna lai)
4. A dangdang in a lutmi poh zong a cunglei bantuk in tuanvo lak a si lai.
5. ZBC Bank account number ah directs in pekmi cu thlahnih voikhat (EC lai ah) ngunkeng nih bank statement a chuah lai i a cunglei phungning in receipt voucher tuah piak a si lai.
6. Chairman nih thlahnih voikhat a chek lai i, minthut in receipt voucher cu fehternak a tuah lai.
7. Cheuhra cheukhat a pemi pumpak dihlak kha thla ruk dan ah voikhat in chairman, chungtuan le ngunkeng minthut he midang theih lo ding in lunglawmhnak roca he an pek zat le a thla cazin dihlak pek a si lai.
8. Cu cheuhra cheukhat cazin ve bak cu cozah lei kommune zung tax office ah thla ruk voikhat in ngunkeng nih thawngthanh a si ve lai.
9. Receipt voucher cu ngunkeng nih serial ning in number a pek hnu ah file in ken a si lai.

VII. Phaisa hmannak cazin khumhning

1. Bupi meeting budget suaining in phaisa hman a herh tik ah hmannak lutlang ningin Secretary/A. Secretary nih drawing a tuah lai i payment voucher he controlling officer/ chairman nih min a thut hnu ah, a si lo ah lungtlinnak a lak hnu ah ngunkeng sin ah minthut he ttuanvo ngei nih phaisa a chuah lai.
2. Ngunkeng nih payment voucher ah min thut he phaisa a chuah piak hnu ah ZBC cash book phaisa cazin hmannak lei ah a khumh cawlh lai.
3. Payment voucher cu A.treasurer kut ah a pek lai, amah nih serial number a pek hnu ah file in a ken lai
4. A.treasurer thiam nih ZBC General Ledger cauk ah amah le tungtlang cazin ning in a khumh cawlh ve lai.
5. Ni sunglawi (X’mas, Kumthar tbk) danghnak le mipi danghnak poah ah ttuanvo ngei nih advanced menu form he puai caah budget an suaimi ning in ngunkeng sin ah minthut he phaisa a chuah chung lai.
6. Puai a dih tik ah clearance form le phaisa hmannak voucher he advanced in phaisa a rak chuahtu tuanvo ngei nih min thut he ngunkeng sin ah a ap tthan lai.
7. Cu hnu ah ngunkeng nih voucher he a cunglei ning in cash book ah a khumh lai. Phaisa hlei a um ahcun bank ah a chiah than lai, pek chap a hauh ah a pek chap lai.
8. Ruah lo in lakhruak phaisa hmannak a um sual ahcun Chairman le chungtuan ceihkhannak in voikhat ah Kr. 2,000/ tiang EC karlak ah voi hnih tiang hmannak nawl a ngei lai.
9. Budget suaimi leng ah poipang a um sual ahcun EC nih voikhat ah Kr.10,000/ in voihnih tiang bupi meeting karlak ah hmannak nawl a ngei lai.
10. Cu nak tam a hlei in phaisa hman a herh sual ahcun EC a si lo ah Bupi lakhruak meeting a auh hnu long ah cu nak cung hmannak nawl a ngei lai.

VIII. Pumhnak record cauk, Cash book le General Ledger

1. Pumhnak record cauk ti cu zapi pumhnak program ttialnak a si, zarhpi hmuhmi phaisa dihlak kha phaisa khawl le Secretary/A.Secretary nih an rel dih hnu ah an pathum nih min thut in record chiahnak cauk a si.
2. Pumhnak record cauk cu Secretary/A.Secretary nih a ken lai i pumh fatin biakinn ah a rak ken lai.
3. Cash book cu ZBC nih ni fatin phaisa hmuhnak le hmannak dihlak cazin kha receipt/payment voucher le a nithla ning tein khumhnak cauk a si lai. Cash book cu ngunkeng nih a ken lai.
4. Thla hnih voikhat in phaisa cazin kha a khar lai i Chairman, ngunkeng le Secretary/A.Secretary nih EC lai ah an chek lai i min an thut lai.
5. Cu cazin cu EC meeting ah cash book he fianternak a tuah lai.
6. General Ledger cu ZBC phaisa hmuhnak le hmannak voucher he lutlang ning in cazin khumhnak a si, lutlang pakhat kha hmaikhat lengmang ah a chiah lai i number a pek dih lai.
7. General Ledger ah accountant nih cazin a khumh lai i General ledger cauk zong accountant nih a ken lai.

IX. Voucher

1. Voucher cu ZBC phaisa hmuhnak le hmannak pakhat cio cazin khumnak catlap a si.
2. Voucher cu phunli in then a si lai.
a. Receipt voucher
b. Payment voucher
c. Advanced menu form
d. Clearance form ti an si lai.
3. ZBC phaisa hmuhnak dihlak cu receipt voucher ah Secretary/A.Secretary nih cazin a khumh lai, hmuhmi phaisa he ngunkeng a ap lai.
4. Receipt voucher cu a changchang in number a pek hnu ah file in ngunkeng nih a ken lai.
5. Payment voucher cu ttuanvo ngei nih Khrifabu ca rianttuannak ah a hmanmi phaisa le a rianttuanmi fianternak catlap a si, Accountant nih a changchang in number a pek hnu ah file in a ken lai.
6. Advanced menu form cu Khrifabu thilri zalhnak, nisunglawi danghnak le a dangdang ah Budget suaining in phaisa chuah piak chungnak form kha a si lai.
7. Khrifabu tuanvo pekmi nih budget suaimi chung in a lak ding zat kha form ah a phih lai i ngunkeng sin ah minthut he phaisa va chuah chung nak a si lai.
8. Clearance form ti cu advanced menu form in phaisa a rak chuahchungmi kha voucher he a dih taktakmi fianternak catlap kha a si lai.
9. Ngunkeng nih bank in a chuahmi statement kha receipt/payment voucher form ah relh a si lai

X. Ttuanvo peknak

1. Chairman cu controlling officer a si lai.
2. Secretary/A.Secretary cu drawing officer a si lai.
3. Ngunkeng cu phaisa, bank card le cash book kengtu a si lai.
4. Ngunkeng bawmtu cu accountant ttuanvo a lak lai I ledger le payment voucher kha amah nih a ken lai.

XI. Endowment fund le Buliding fund

1. Khrifabu caan sau a dir khawhnak ding ah bu riantuannak ah kum 3o chung tongh loding bank ah chiah ding cu Endowment fund ti a si lai.
2. Endowment fund cu thawhlawmpi (1/10) chung in 5% kum tin chiah a si lai.
3. Buliding fund cu hi khrifa bu biakinn cawknak phaisa khawnnak a si lai.
4. Kumkhat phaisa hman in a hleimi poah chiah cu building fund ah chiah a si lai.

---Adih cang---

Note: Format dang fiangdeuh in HIKA ah relkhawh a si.

Budget Estimate of 2009

Zion Baptist Church Budget Estimte for 2009
Egersund, Norway

Hmuhnak Hmannak
1. Zarhpi pumh thawhlawm 40,000 1. Pehtlainak 12,000
2. Cheuhra cheukhat 240,000 1. NCCF 7,200 (3%)
3. Bawipa zanriah 3,600 2. CACC 2,400 (1%)
4. Ni sunglawi 5,000 3. NBU 2,400 (1%)
5. Biakinn tamhnak 1,500 2. Biakinn hlannak 77,800
6. Bawmhnak 10,000 1. 3500x4= 14,000
7. Nubu thawhlawm 5,000 2. 5000x8= 40,000
8. Mino thawhlawm 10,000 3. Mei & Komu 7,600
9. Bank karh 1,000 3. Bawipa zanriah 3,600
10. Project program 5,000 4. Ni sunglawi 9,499
11. Commune sin in 25,000 1. Kumthar 1,000
12. A dangdang 2. Thawhtthan 3,499
3. X’mas 5,000
5. Bawmhnak 10,000
6 . Nubu 5,000
7. Mino 15,000
8. Trianning le Laica cawnnak 1,684
9. Khualtlawmnak TA 5,000
10. Library 1,000
11. Internet & Phone 5,000
12. Zungriantuannak 5,000
15. Danghnak 10,000
16. Izohkhenhnak 10,000
17. Laksawng 10,000
18. Bank chages 1,500
19. Biakinn tamhnak 1,500
Total 183,583
Phaisa tang 162,517
Grand total 346,100 Grand total 346,100

Estimate for Zion Baptist Church Building fund, Egersund, Norway

2008 phaisa tang- 149,235
2009 Bupi phaisa tang 162,517
2009 Nubu phaisa tang 10,000
2009 Mino phaisa tang 10,000
Bupi phaisa kawlnak 30,000
Mipi sin Building fund khawlhnak 10,000
Total 371,752

Nawlnak: Cazin ningte in a langhthiam lo ca ah HIKA hin zohding.

---------- Adih cang -------------

Zion Baptist Church Izohkhenning Zulhphung

Zion Izohkhenhning Zulhphung

Min le Umnak
1. Hi zulhphung cu Zion Izohkhenhning Zulhphung ti a si lai.
2. Hi zulhphung cu ZBC Bupi meeting tang ah a um lai.

Tinhmi
1. Chungtel chung in chiattthat ton tik ah miphun thleidan lo in izohkhenhnak;
2. Thih loh zawtfah ton tik ah ihramh zia thiamnak;
3. Sung zatlak ton sual ah izuanhnawh zia thiamnak;
4. Lawmhnak le teinak hmuh tik ah ilawmhpi zia thiamnak hna an si.

Thihloh ton tikah izohkhenhning
1. ZBC Chuntel pa khatkhat nih mual an kan liamtak ahcun Kr.5,000 le zuunngaihpar in thutpi a si lai.
2. Norway um Chin pakhat khat nih mual a kan liam tak ahcun zuunngaihpar in tthutpi a si lai.
3. ZBC chungtel chuahpi unau le hringtu nu/pa nih mual liamtak ahcun Khrifa upa nih thlacamnak he tthutpi a si lai.

Zawtfah le sunghzatlak ah izuanhnawhning
1. Chungtel chung in zawtnak pipa (major) he sizung an kai ahcun pardawh le thlacamnak he zoh a si lai.
2. Chungtel chung in sungh zatlak nih a phak sual hna ahcun ZBC EC hnatlak zah in thlacamnak he thazang pek an si lai.

Lawmhnak ah Ilawmhpining
1. ZBC chungtel chung in Norway cozah le Chin miphun theihpinak tiang in mintthatnak le teinak a hmuh ahcun ZBC EC khuakhannak in roca, pardawh le thlacamnak he lawmhpi a si lai.
2. ZBC chungtel chung in a nupi a si lo ah chungkhar (family) pakhatkhat he ZBC le Egersund ah an ihmuh than ahcun pardawh le thlacamnak he lawmhbia chimpi a si lai.

= Adih cang =

Zion Baptist Church Phunghram (Adihlak)

Zion Baptist Church Phunghram

Biahmaisa(Premble): Chin miphun cu Burma ram nitlak-chaklei, India, Bangladesh le Burma ram thum tonnak ah kan um. March 15, 1899 ah American Baptist Mission (ABM) in Rev. Arthur Carson le Lora Carson te nupa cu Pathian thawngtha chim ah Hakha, Chin hills an rak phan. Anmah phak hlan poah cu lawki kan rak si, biaknak kan rak ngei lo. Rev.A.Carson te nupa thlaici tuhmi cu Pathian nih thluachuah a pek i kum zakhat chung ah Chin pupa kokek nunphung le lawki zumhning he aa lo ngaimi Khrihfa ah 80 % kan rak ithleng. Cu caah Chinland cu Burma ram chung ah amah pakhat te long Christian land ti a si.

1988 thawk in ralkap uknak ruang ah ralkap tampi Chinram an hung kai. Porter an kan suai, hranhram in rian an kan ttuanter, tlaihhrem nih a si, tuk le velh in thawng tiang thlak a si tik ah Chin mipi nih kan ti celh hna lo. Khrifa ram kan si ruangah hoi dang state nak in an kan hrem khun. Cu caah kan runpi in ram kip ah kan zaam, Malay kan phan, India kan phan, Thailand kan phan, kan zaamnak ram ah UNHCR nih a hung kan hlawm. UNHCR tawlrelnak in Norway cozah nih an ram ah dornak nawl a kan pek.
Cu caah April 3, 2003 ah Chin miphun milurel 15 cu nikhat te ah Norway ram, Egersund khua kan rak phan. April 20, 2003 in lai holh pumhnak thawk cawlh a rak si ve. Egersund Kommune zong nih an rak kan dawt ngaingai. Dusah tein milurel kan hung tam deuh caah cu lai holh pumhnak cu February 12, 2005 ah Egersund Chin Christian Family(ECCF) tiah min kan rak isak. Pathain thawng in nuva khuasa kan karh caah fanu fapa rosung tete kan hung ngei, aa tthium tete kan hung um. Khrifa cia kan rak si caah Pathian sin kan hmuhmi fanu fapa hna Biakinn chuahpi in pastor thlacaam piak kan hung duh tik hna ah ECCF cu Church a rak si lo ruang ah Biakinn le Pastor kan hung ikawl cio. Cu caah mah le siaremnak Church ah fa le zawnruah in member ah rak luh cio a rak si.

Khrifabu kan rak luhnak hna cu State Church, Methodish Church, Pentecostal Church le Baptist Church hna an si. Bu dang cu kan khua ah a rak ummi long te an si nain Baptist cu kan khua ah a rak um lo caah milurel 8 cu Ålgård Baptist Church ah kan va lut. Um kalnak a rak har deuh caah Ålgård Baptist Church nih zarhpi pumh ah motor in an rak kan lak i an sin ah an rak ka pumh ter tawn. Zarh fatin dawn peng cu an caah a rak har deuh ve caah anmah sin a rak lutmi Baptist member caah Ålgård Baptist Church nih April 22, 2007 ah chungtel 13 caah Egersund Chin Baptist Church (ECBC), Egersund cu dirh piak a rak si.

ECBC a um hnu zong ah member kan luhnak Church cio ipumh dih hnu ah ECCF hruainak in Chin dihlak pumhnak cu rak ngeih peng a si. Kumkhat deng a rauh hnu ah Egersund um laimi dihlak fonh in hmunkhat ah Pathian thangtthat tti kan duh caah Norway Baptist Union General Secretary Rev.Magnar Maeland isawm a rak si. Cu hnu ah ECCF le ECBC cu April 5, 2009 ah rak ifonh a si i kan min zong Egersund Chin Church (ECC) ti a rak si. Cu ni thawk cun ECCF pumhnak zong a um ve ti lo.

ECBC cu Norway cozah sin register tuah hnu ah Norway Baptist Union chungtel a rak lutmi a si leng ah laimi dihlak kan ifonh khawhnak Baptist hruaining le zumhnak ah hram a bunh ko caah kan Church min zong thla hnih hu June 28, 2009 ah Zion Baptist Church (ZBC), Egersund tiah thlen a rak si. A tu kan ihruainak phunghram zong Pathian ram kauhnak le Chin miphun rualremnak caah Baibal bia le Norway upadi leng ah Chin miphun sining ruahkemh in sermi phunghram a si. Hi phunghram cu ZBC bupi meeting (General Assembly) nih (Date____________) ni ah hnatlak fehternak a ngeih ri in hi phunghram cu hman hram thawk in nunter a si.

DAL 1nak

Min le Umnak (Name and Location)

Hi phunghram cu “Zion Baptist Church phunghram” ti a si lai.

1. Hi Khrihfabu a min cu “Zion Baptist Church” ti a si lai. A tawinak in ZBC ti a si lai.
2. A umnak hmun cu Norway ram, Agersund Kommune chung ah a si lai.

DAL. 2nak

Tinhmi (Objectives)

3. ZBC nih aa tinhmi cu:
1. Baibal bia le BawiKhrih cawnpiakning in icawnpiak le ihruainak,
2. Mah Laiholh tein hmunkhat ah Pathian biakttinak, tharchuahnak le ihawikomhnak,
3. Norway Baptist Union le Norway cozah he ruanttuanttinak le pehtlainak,
4. Khrihfabu chungtel chiatthatnak ah ichuahhnawh in izohkhenhnak le ibawmhnak,
5. Chin Khrihfabu le bu dang he ikomh in ramthar riantuantinak le hawikomhnak,
6. Khrihfa bukip he komh in thawngtha a karh i, vulei ah daihnak, remnak, zalonnak le dawtnak a lennak hnga democracy phung in hmunkhat ah riantuan tikhawhnak, hna an si.

Note: Atang mi vialte HIKA hin relding a si.