EASTER SERMON by Salai Bawi Uk Thang

Emau khua pawng ah khu le phak in   From: Salai Bawi Uk Thang <cbthang@yahoo. com> Date: Sunday, April 4, 2010, 10:58 AM   Ni hin cu vulei cung i nii le caan a rak um bal mi vialte lak ah nilianngan bik Easter Sunday timi Thawhtthannak nilianngan nii asi. Hi vulei i kan hmanmi Thawhtthannak hi ataktak i chim ah cun a thlaam vial lawng khi arak si rih i thawhtthannak nilianngan taktak cu Khrih nih ami hna arak cawisaan tik i mithi vialte an thawh tthan te lai dingmi nilecaan khi asi. Cubantuk in zuumtu hna thawhter dih kan si te lai dingmi khi Amah Khrih nih arak kan prove piak i cucu nihin bantuk thawhtthan ah hin anunglio mi poh nih rak ichimh chung le rak iruah chung hi asi. Bible chung ah Khrih nih akan chimhmi le akan cawnpiak mi vialte hi vulei cung ah hin cun fiang lak in langhter thlu awk hi an rak har ko. Amah arak zuultu Johan nih hin Khrih hi amah pumpaak in arak zulh, athih lio hrawng le athawhtthan lio hrawng zong ah hin arak um ve, cun athihhnu zong ah Khrih tehte dirhmun in thawngthabia arak chim i Bible adonghnak tlang akawmtu " Biathlaam" ah khin Bawizisuh sunparnak he a um hnu i amuisam le asining cu fiangte in akan chimh. Zohchia le khenhru i Vailam i an tlaimi Khrih kha sunparnak he akhat i, thir an khenhnak a ke kha meizik bantuk asi cang, akaa in achuakmi bia cu Vainaam kaphnih har bantuk khi asi cang, i aw cu khuari le vaanteek bantuk asi cang.... Aho hmanh i palh awk ttha lo in Pathian arak sinak cu Biathlaam ah khin phuan asi. Zei ruang ah dah Bawizisuh kong hi khu le phak hin an chim? an chim hmanh ah hin an thinlung ah meibantuk hin akangh? ti hi ihal phu te arak si. Zeicaah ti ah Khrih tehte asi taktak mi hna nih cun Khrih kong an theih i Khrih athei taktak mi nih cun an chung i a ummi thil cu chim lo le rel lo in azeitihmanh in an um kho ti lo. Zei caah ti ah Khrih cu dawtnak i ahram thoknak le adongnak Alpha le Omega asi. Cu dawtnak cu vulei cung mihna nih hin kan nunchung duhtawk i rak ihman cio ding in Pathian nih hin arak kan peek cio mi asi. Dawtnak kan ngeihmi hi pakhat le pakhat zungzal harnak chung (Hell) i kan luat i zungzal nunnak chung i kan kal khawhve nak ding zawn te ah hin hman cio ding khi Khrih nih akan duhpiakmi cu asi. Angaingai ti ah cu zeidang kong kan isiaherh mi vialte nak in Pathian bia kan isiaherh mi hi asunglawi bikmi le aphupha cemmi araksi.  Paul nih uar ngai in dawtnak kong a chim tawn khi. Nihin cu Pathian nih dawtnak i vulei cung i athil tuahmi aphi achuah ni an answers he proof akan peekni asi. Hliah ngei lo dawtnak, Alpha le Omega, aruang um lo bak i akan dawtu i akan dawtnak hi minung hna nih hin zeidang in response rak tuah khawhnak lam kan ngei ve ti lo kan tikhawhchun te cu Pakhat le Pakhat rak idawt ve kha asi. Dawtnak hi tii bantuk in asannak in aniamnak ah aluangmi asi i Pathian hi minung nih kan dawve lai ti usih law ti khi acho lei ah kan luanter lai ti bantuk khi asi hnga. Cu caah kan nih nih cun Pakhat le Pakhat rak idawt khawh kha kan cawn ding khi ahong si. Pakhat le Pakhat idawt cu afawi ttung lo, nuleva hmanh idaw kho lo nalak ah zeitindah hithil hi asi khawh ne lai???? Hi taktak hi Pathian nih akan challenge termi cu ahong si. Nuleva kan i tthit-umh tik ah Suikutdonghrolh kan ipe i cu kan ipeekmi cu Pastor te nih an hei sermon ta luklak tawn. Asinain cheukhat nih cun fiangte in an chim tawn lo. Chim a haumi asi. Vulei cung i kan hmanmi dawtnak vialte hi aruang he ai tlaimi, ruahchannak he ai tlaimi dawtnak lawngte an si tik ah cubantuk dawtnak nih cun minung hi zungzal akan fonh kho in Pathian sin tiang hna cu kan iphanh pi khawh nak ti hna lo. Kan fale kan dawtcio ning hna khi tahchunhnak tthabik hliah ngei lo dawtnak cu asi. Azei ruang hmanh ti lo in kan fale an si ruang ah an herh ning poh in kan dawt hna. Chap awk tampi kan ngei cio ti lo. Kanfa le nih thil ttha an tuah tik ah hnahchuah neekneih nak apel te hmanh kan ngei lomi khin ahong fiang chin chin. Khi bantuk i idawtnak khi mising pipi asimi nuleva nih ahram in van iawt ahau. Alpha le Omega kha athar in kan ituah ve tinak ding caah khin Wedding Ring khi sunglawi ngai in ipeek cio asi. Wedding Ring ai hrukmi nuleva cu thihnak dah lo nih cun atthen phung hna an si ti lo. Atthen khawhnak asi ah cun an ihrukmi sullam an thei lo tinak asi. Mihruut. Nuleva cu azeiti sihmanh ah aruang um lo in idawt ding khi asi cang. Kan ca ah atthabikmi kha iduh piak in dawtnak hmual kha a dongh tiang in hman ding khi si. Ai pehtlai vima mi cu Khrih nih vulei mihna akan dawt kan ti tik, Pathian dawtnak ka thei kan titik ah hin mitampi cu kan mah le kan mah kan rak ihleng, kan chimmi zei asi kan rak thei tawn lo. Pathian nih vaanle vulei hi programme arak tuahning te in arak sermi asi i asermi minung hna tlawttlau sual ding hi alungthlipel hmanh in arak ruahmi asi lo. Asinain Sehtan nih Thitsa aphoh tik ah aprogram arawk i Vulei cu chiatserhmi ah ahong cang. Zeicaah ti ah Sehtan nih sualci arak vorh caah sualnak program cu vulei ahmunh chung a um pengve ding khi ahong si cang i Minung hna hi Pathian program chung ah maw kan um Sehtan program chung ah ti hi Bible hmang in nifatin kherhlai le tuahtaak a honghau cang. Vulei nih Pathian ahngal khawhnak hnga ding ah hin thil tampi tuah piak asi i cuthil vialte lak ah Khrih nih Vailam i thihnak atuar i nithum hnu i athawhtthannak kong hi "The Most Wonderful Miracle" asi. Pathian program hi asi taktak, asi hrim hrim, Pathian nih hin dawtnak in ami vialte asin ah kiir tthan khawh dihnak lam kaupi in akan hon piak tthan i aduhmi poh zalong te in kal kawh asi ti cu 100% tluk fiang in Good Friday ah fianter asi i Easter Sunday ah prove asi cang Haleluijah!! ! Pathian dawtnak kong kan chim tik ah hin Hell kong kan chim chih lo ah cun 50 % lawng kan chim tinak asi. Cuhmanh ah cun zuum huaha lo i kan chim ah cun 25% lawng kan chim. Cu hmanh ah Bible hna rel tthittha lo i kan chim tik ah cun 12.5 % lawng atang, Cu hmanh ah caan teetkhawt bu le imanh huaha lo bu, hna i kan chim ah cun 6. 125 % lawng atang i cuti i tuak tik ah Pathian dawtnak kong kan ichim mi nih hin azei ti hmanh in arak kan hlan kho ti lo i chanchung ai puum lengmang komi, cheuhra cheukhat athawh pengve komi, thla acam lengmang ve komi Pathian dawtnak tthittha i arak thei lomi mitamtuk kan rak um. Zeiruang ahdah Hell kong hi chim chih aherh? The Passion of Christ timi zatlaan khi voihnih cio tal zoh usih law a ttha hnga. Thil abiapituk timi kan tuah tik ah kan retheih le kan temtuarmi kong ah kan buai lo, kan thil tuahmi atlam atlin le tlin lo tu khi kan buai tawn. Cubantuk cun Khrih nih hin Sehtan nih akan hlen i Sehtan nih apennak chung Hell chung i hremding i akan ruaihmi kan si khi Khrih nih cun fiang tuk in akan hmuh piak caah Vailamtah i thihnak atuarmi kong ah hin abuai lo tuk. Ai lap tuk,  hinak faak hmanh hi rak um seh law hneek le fial hau lo khin arak tuar tuk ko hnga ti khi asi. Vanram kainaak le kailonak kong tiang lawng hi siseh law vailamtah i tem le tuar te hna hi aherh mi asi hnga lo. Hell i chanh le chuah hi aherh tukmi asi cang caah, inn akaang cuahmah mi chung ah aummi an fale hna nulepa nih i uilo bak in va luh hnawh le va chanh an duh hna bantuk khi asi. Cubantuk i harnak le temtuar ding hi Pathian dawtnak athei lomi hna nih cun nunnak adih tik ah kan ton hrimhrim ding asi i atheimi nih maak hngal lo in kan ichim cio hi abiapi tukmi asi. Bawizisuh nih Bethlehem cawrawl kuang in ai thok i Vailam i " it is finished" ati tiang lohma adomh in achuah tiang atuahmi vialte hi Minung hna nih Sehtan program chung in kan ihlihphuah i Pathian program chung i kan um khawhnak hnga ding i lam akan hmuhsak nak asi i Deh khat le Dot khat hmanh hrelh mi angei lo. Adih le adongh nak tiang atuah dih timi khi " It is finished" ati mi khi asi cu cu Easter timi thawhtthan nih hin fiang chinchin in a prove cang. Zeihamnh lung iaw- ttawm awk a um ti lo. Thinglung dihlak, ruahnak dihlak, thazaang dihlak he Khrih lei panh khawh izuam i Pathian duhnak tuah kha kan duhnak nganbik ichiah ding khi The Greatest Responsibility" kan ngeih ciomi cu asi ko cang.   Emau khuapawng te ah khan                                                                           Lung ka hlau thaan thawhtthan ni sunglawi bik nih Sualnak vialte mual an pho dih i Pathian program lei ah fianter asi cang Zuumtu hna lomhnak Jubilee Darkhing.   Nazaret Zisuh alan lio ti in mipi an rak au Caan palhpar bang na sunlawi caan chikkhatte Hosana Bawipa min cu thangtthat si ko seh!! Zion fanu David fapa cu hlawr in um ko seh!! an ti..   Thinlung a daihter siarmar zing damti bang Kan khamhtu veel le dawtnak nih cun Lungdaih hnangamnak thluachuah an timi kha Vanruah bang a sur ter tawn kan nitin nun ah.   Zumhnak mit in  van cuan hmanh kan lei hring nun hi Khamh hnangamnak ngei kho lo le vansang in Chukcho kan kai  tawn sual thilrit pi he Bawmtu thlarau sawm lo le tel pi lo hraat cu.   Kir tthan usih Emau khua pawng te ah khan Caih tthan sih kan Bawipa kong cu khu le phak in Thinlung ah mei bang  a alh mi Khrih tehte he Ei tti ding tti zankhua dei tti tthan usih.   Maw Bawipa! kan zumhnak nun rethei nih hin Sakhi nih tivate ti a hal bang khan An hal zungzal ahonih theihpiak lo in Zumh hnangamnak thlaam chiate chung ah Siaremlo ngai in nitin  ni kan leeng ttheu  tawn.   Maw Bawipa na kan khamhnak thawngttha le Na intuarnak kong Bible chimmi hna hi Ttawhcia parbang an hnawl tthan lengmang ne ttung Nunnak pin lei zungzal ca tiang hmun ding in Sui zungbunh bang hmunh ter cang law kan thinlung chung ah.   Ruahchannak tthabik ngeihchun ai hrawmi laimi phun hawi Vansui khualipi kutka i Khrih he arak kan hngak mi Lungduh hawikom tthenlo tthencia an tlinnak ding hmun cu Panh in nitin nunlam khual kan tlawng ti i hngal usih tiin Thawhtthannak biazai he sawmnak zaa ka rak in chanh hna. Hluanku pa ================= Life is like a book, everyday is new pages

Miphun Pakhat Sinak Ah Zeidah A Biapi

Miphun pakhat sinak ah hin zeidah a biapi hnga By Pu Lian Uk   "Miphun pakhat si nak ah hin zeidah a biapi hnga ti hi asi".tiah Pu Khenglawt a ttial mi hi Chinmi nih duh sah tete in  kan lung ahung pem pah leng mang cang I, lawmh a um ngai. Vuleicung ralpi adih cangka ah hin vulei cung ah mizei ram hmanh nih nanmah miphun asi lo mi nan uk ti hna lai lo, in dependence nan peek dih hna lai. Independence peek awk ah an mah te in an ram uk nak atuah kho rih lo mi hna miphun kha UN ni UN Trusteeship System  in zohkhenh chung awk ah UN sin ah nan ukmi hna miphunram cazin nan peek dih lai tiah UN zung in ca an rak chuah. Cu tik ah cu bantuk aa uk kho rih lomi hna miphunram cazin an peek mi hna kha UN nih amah UN nih dengteu in maw azoh khenh hna lai, maw, azoh khenh chungdingah ramkhat in maw ram hnih ramthum in maw ibawm cio ding thiah  in an mahte in an ram an  iuk khawh ding azoh khentu hna nih cawnpiak dingkhi asi,. An mahte in i-uk khawhnak an ngeih tiang in    cawnpiak hnu  ah Independence in an umduh ah cun Independence  peek , ramdang he ikomh in federal in maw confederation  in maw um a duh mi zong anmahduh ning in aramri kulhchung an mah miphunte in  i-uk khawhding kha sersiam piak an silai tibia hi arak um. Miphundang ram a ukmi vialte nih anmah miphun asi lo mi ram an uk lio mi hna ca zin kha` UN an rak peek dih. Chin, Kachin, Shan ram zong Mirang nih UN Trusteeship ah cazin peekding  an rak ruah lio asi cang. Portugal ram nih miphundang ram a ukmi zongkha Potugalmi an sidih tiah an ti i cazin an peeduh hna lo. Asina in Portugal miphun a si lo miti kulh le ram an ukmi hna ramdang nih an theih tuk mi hna an sifawn. Cucaah  Miphun ram timi hi UN nih mizeibantukdah UN  Trustee-ship ah hin  alakmi an si lai ti mi kha asul lam an kawl. Miphundang abik in a uk tu hna he an nunphung an holh aa lolomi an silai I cu miphun nih an hlumhnak ramri kha miphundang le a uktu hna ram he ramri thler khawh ding fiangte in a ngei mi an si lai ti mi hi an rak khiah. Cucaah Portugal nih a ukmi ti kulh le ramtam pi Namibia ram te hna kha UN Trusteeship ah  an peeek hna. Cu ti UN nih azoh khenh mi hna ramtam pi cu atu ah Independence a hmu mi an tam ngaicang. East Timore zong khi UN Trusteeship I rak peekmi asi. Asina in Indonesia cozah nih an ralkap an va lak ter hna I Indonesia nih uk mi ah an hung si. Cu lio ah East Timore nih Indonesia ralkap doh khawh nak thazang an ngeih lo caah UN zong nih abawm hlei kho hna lo. Asina in kan hnu lei Indionesia buai lio ah khan Eastmore nih Indonesia an doh tthan tik ah UN Trusteeship I a um bal mi a rak si caah UN nih UN ralkap an va thlah I East Timore run ven awk anva bawmh hna. India Goa tikulh te zong khi UN Trusteeship ah a um mi an si i, India cozah nih an ralkap anva lakter hna. Asina in  Goa nih India kha zeiti hmanh in adoh lo caah cu tin  India kut toi ah an um ko hna. Chin mi cu Kawl he siseh, India lei he siseh kan holh, kan nunphung arak idang I, kan hlumh nak ramri zong thlerthiam awk ti le chiti ri bang a fiang kho ngaimi asi. General Aung San nih nan mah ram chung ah nanmahte in uknak a um kho ko lai arakti ve hna ca ah Panglong min  an rakthut mi asi. Panglong hnatlaknak ning in uknakphunghram suai adih hlan ah  General Aung San le a Cabinet wankyi an zate thah an huah. Anmah a vun chawngtu hna nih 1947 constitution kha rampak uknak in rak ttialmi asi. Asi na in Kachin, Shan , Kaya, Kayin, hna kha an mah ramri chung zeimawzat te iuk khawhnak anmah ramkulh cozah an  dirh ter hna. Chinram kha an duhtik ah Ramkulh cozah dirh khawh ve te hna seh ti ruah nak in  Chin  Special Division Act 1948 in uknak ding upadi dangte an tuah I, Kawlram bupi cozah cabinet wankyi pakhat nih   an konglam a uk chung ding ah  Chin Affairs Ministry le Chin Affairs Council an rak dirh ter hna. Chin ramchung uknak caah hmanh khawh siseh tiin Chin Affairs Council nih an hna tlak mi upadi kha CSDA chung ah upadi cazin an chiah . Cu ti CSDA chung ah cazin an khumh lo mi  Kawlram bupi upadi kha Chin ram ah hman khawh asi lo. Cuticun Chinramri kha adangte in uknak arak si. Cucaah Kawlmi he kan nunphung kanholh aa lolo mi kha atlau loding cu chimlo, ahuncho atthat chinlengmang ding kha tuahding kan si. Kan thilthuam, kan lam, kan hla hna cu zei he dah aa lawh tiah Phaizong kung te, Phuncong kungte,  Faiceukungte pawl nih an kungbu pumpuluk in anpar tik ah an bu andawh ter bantuk in kan miphun thilthuam, kanlam kan kui, kan hla kanbia cu kan miphun  alangh ter mi le attamhtu kan miphun dawh ter tu apar ban tuk cu an si ve, Cucaah Laithuam in Pu Khengloawt  meeting ah a va kal tik ah meeting chung ah Laimi phun  adawh ter mi miphun pakhat kansi ti dawh ngai le upat nak in  a hmuh sak khawh mi hna cu Laimi thuam in a va par k khi asi ve. Hitler nih Israelmi phun pawl an miphun pi a huat  ruang hna ah sualnak a ngeilo mi nu le ngakchia zongin an ci hmih ding in million  6 arak thah hna. Cu bantuk miphunpi in cihmih ding ruahnak ttha lo kha  mizei miphun cung paoh ah Hitler bantuk hruaitu ttha lo nih vuleicung miphun pakhat khat kha anci hmihding in an tuah ti lo nak hnga I-khamh pi cio le ibawmhchan ding ruahnak bik he an rak dirh mi asi. Hi bantuk in  kan miphun  pakhat in kan ummi kan langhter peng tik   hna ah kanmi phunpi ral kha UN nih a kankhamh ding kan duh mibik asi. Asina in  Kawlphung le Kawlholh le Kawlnun longte Laiminih kan icawn ah cun miphun dang kan si nak kha vuleicung ramdang  nih an kan hmuhpiak lailo. Kawl ralkap cozah tthalo nih kan miphun hrawh an zalh tik ah UN te hna nih an kan bawmchan kho zawk zawkti lai lo. Laimiphunpi nih kannunphung ttamh le ihman ding a biapit ning kanrak theih hlan ah Kawlholh le Kawl nuncan  Chin mi nih lak hi atam ngai cang. Cucaah atu ralkap cozah nih nunphung zong Chinmi nih anmah dang an ngei ti lo mi an si. Kawlmi dih an si ti ,anmahte in uknak atuahtlak mi kawlhe aadangmi ansi lo tiah vuleicung ah langhter an duh . Cu ruang ah Chin National Day te hna tuahding an kan phih. Panglong min thut lio ah Chinmiphun min in kanthut mi asi. Cu caah miphun pakhat in  Kawlrambupichung ah anmah Kawlmiphun bantuk in kanmi phunmin lang ngai in  kan rak um cu asi. Cucah Chin National Day zong cu kum 60 renglo chung kanmiphun nunphung pakhat in kanrak ngeih cu asi. Hiti CND tuah an kanphih mizong Panglonghna tlaknak hrawh phunkhat tthiam asi. Chinmi phunpi nih anmah miphun ramri chungah I-uknak cozah a ngeih lo I, ramtthen uk in Chinramcozah umlo in Kawl ralkap nih an kan uk mi hna hi Chinram kha Kawlmi ram ah an ser bantuk khi asi i fah sak awk ngai kan si. Atu Kawlram bupi chung ah  miphun pa khat, holh khat , biaknak pakhat long um ding in  ramhruainak party  pakhat le rampak uknak phunghram  aa rek ngaimi in 2008 uknakphunghram cu ttial mi asi, 2008 uknakphunghramcu Kawlram bupichung me pee kho mi 94% nih duh nak mee peek mi a si tiin  lih in vuleicung ah an thanh. Asina in mizei ram hmanh nih an zum hna lo. 2008 uknakphunghram cu Chinmi le tlangcung mi ci-hmih nak hriamnam ah an tuah mi cu asi. Atu  ah hin hi upadi hi afek mi upadi asi rih lo. Atu 2010 thimnak hi 2008 uknakphunghram cung hngatchan in ttialmi thim nak upadi  asi. Cu ti kan hngalh ahcun   2010 thimnak ah mizei MP ah aa pee mi ansi zong ah duhnakme zong duh lonakme zong peek ah cun cu cihmih nak hriamnam I an  ttialmi 2008 upadi kha kan lung atling ti me peek khi asicang. Cucaah 2010 thimnak hrim ah mizei hmanh democracy attanh mipaoh Chinmiphun attanh mipoah nih mee peek ding hrim asi lo. Atucu Daw Suu Party NLD zong nih mee peek loding in bia an I khiak cang I afiang ngai. Chinmiphun caah hi thimnak ah mee peek loding a hungttha chinchincang I ralttha ngai in 2010thimnak ah mee peek lo ding a sicang. 2010 ah Daw Suu thim nak ah luh khawh lo ding antuah long asi lo, Amah adirh mi NLD Party in a mah an chuah lo, andawi lo  ah cun NLD party kha hmatpungtin khawh loding in an tuah.Ralkap cozah nih hiti apartytiang in  amahaa telagcunhmatpungtti nlo ding antuah mi cu luanlak in kar hlei an lamh mi an hak akauh tuk nak ah an ipalh taktak mi asi. Hi an palh mihi adoh tu hna kancaah a ttha tuk mi asi ve. Zeicah tiah UN le vuleicung ram biapipa hna nih NLD bantuk party nganmi thim nak ah an luhter hna lo tik ah democracy murupi he aa kalh tukmi asi. Curuang ah ralkap cozah nih anmah party long in thimnak an tuah I, cozah an dirh hmanh ah UN le rampipa` hna nih an pawmpi hna an cohlang hna lai lo I, phungtlinglo cozah tthiam an si rih ko lai. An uknak phunghram 2008 zong cu mipinih thimnak mee an peek lo tik ah phungtling uknakphunghram in vulei cung nih an pom fawn lai lo.Cu tik ah adoh tu pawl hna kha vulei cungram tampi nih atu lio phung tlingte in an kan ttanpi an kan bawmh khawh rih lai. Asina in  2010 ah mee kanpeek citcet ah cun cu ralkap an palh mi kha kan remhpiak    hna ah khin aa canglai. 2010 thimnask upadi cu 2008 cihmihnak hriamnam  i an ttialmi Kawlrambupi phunghram ning zulh in ttialmi asi. Cucaah 2010 thimnak upsadi ning in thimnak mee nanpeek caah 2008 uknakphunghram kha kan hna atla "a tti kanpiuh"  ti sullam ah aa cang lai. Kawlralkap nih kanhrem rih ko hna seh ti kan mah le kan mah ThanSui  chiahmi 2008 uknakphunghram rap ah ifawih bantuk ah kan tlakding khi a si. Cucaah 2010 thimnak ah mee pek lo ding khua lei chungkhat cah cio ding hrim asi. Atucu ENC zongnih NLD nih thimnak an luh lo dingkha le  thimnak ah mee peek lo ding boycott tuah ding kha kan in ttanpi ve hna lai tiah ca an chuah cang. Cucaah 2010 thimnak ah mee peek lo ding ENC le CNF vialte he lung irual dih asi mi hi ramchung mipi nih lung ilak lawhnak um lo in 2010 thimnak mee peek lo ding hrim ruah dih ding asi. Thimnak ah aa pee ding zongnih hi thimnak hi luh tlak asi lo mi asi ning theih thiam cio awk ngai asi. Damte in, Lnk. Source: Lai Forum mail on 2 APR 2010. ================= Life is like a book, everyday is new pages

Chin American Forum

CHIN AMERICAN FORUM Source: Metkhuabo mail on 2 APR 2010   Refugee zungah local le national level kan tuannak ah kan hmuhmi cu Kawlram lei ara mi pawl hi kan cotin ding kan coting dih lo ti hi asi. Kan cozah le refugee kan sinak ram cozah hna nih an duh paoh in an kan tuahnak ah ramtha kan phak hnu zongah kan cotin ding kan cotin lomi hi apoi ah kan chia tuk tilo. Cucu, kan co ding taktak kan itheih lo caah asi bik. Cu caahcun, Chin American Forum hon thawknak hi asi. Chinmi hna US mipi sinah tluang te luh khawh le cotin ding co ding—integration—hi Chin American Forum nih aa tinh bikmi (primary goal) cu asi. Cucu, ruahnak cheuh (technical assistance pek) le tanpi (advocate) nak in tuan itimh asi. Ahlei in mitampi umlonak khua aphanmi bochanawk ngeilo mi kan hawi le hna hi siaherhbikmi cu ansi. Cu lengah kan i tinhchihmi (secondary goal) cu United States ummi vialte bia kan iruahnak le thawng kan ithanhnak ca zongah asi fawn. Zapi umnak phanmi zong kan contin ding aa thei dih lomi kan tampi. Cu lengah US ummi nih kan ton cuahmahmi thiltha he thilchia he i ruah le ruahnak icheuh cio hi kan herh ngaingai ko. Chin American Forum umtu ning cu atang lei bantuk hin asi.   1.  Chin American Forum Zaanghleicawitu Chin American Forum hmang in refugee lei ah professional contributor 4 nih ca tial le biahalmi pawl leh asi lai. Aherh ahcun tam deuh chap asi te lai. Cu lengah hi Forum i aa telmi paoh nih mah le hmuhtonmi cio ichimh ruahnak le ruahnak i cheuhnak hmun asi lai. Moderators le zulhding phunglam zong tha tein anum.   2. Kan I Ruah Ding Pawl Kan iceih laimi thil tampi lakah aatel dingmi cheu khat hna cu hihi ansi: A phanthar pawl caah: ·         Ramdang in US rat i timh tikah aherhmi pawl ·         US refugee zung phanh tikah zeidah co tin ding le rian (rights & responsibilities) kan ngeih ·         Kan phaknak khua in ithial (colh) duh tikah ·         Rian kong he aa pehtlaimi paoh—abianaah, ruahnak cheuhnak, rian interview ah umtu ning tbt, le work permit kong ·         Refugee zung nih tha tein an kan zoh lo tikah ·         US cu i thialkaam afawi te caah khui ka ahdah rian atam bik tbt ·         Mi ralchia deuh pawl thapeknak (empowerment)  A phanhlun  deuh pawl caah: ·         Kan chungkhat pawl US ra ding in oh kan duh hna tikah ·         Green Card sawk tikah ·         Citizenship sawk tikah Culengah, US aphanmi Chinmi nih kan iceih aherhmi vialte ceih ding asi fawn lai. Abiana ah, fimnak cawnnak (education) lei, phaisa (finance) lei, family i zohkhenh ning (sex education tbt), inn cawknak kong le Chin American nih kan tonmi issue vialte aa tel lai. Atawinak chim ahcun, Chin American Forum hi bia iruah sawhsawhnak siloin US ummi hna rian kan tuannak hmun siseh ti kan duh. Chin American Forum hi refugee pawl kan dih hnu zongah US ummi hna bia kan iruahnak, thawng kan ithanhnak le rian kan tuannak siteseh tihi saduhthahmi asi. Aherh ahcun website zong kan tuah te lai.   3. Kan Bawmh Ding Pawl Bawmh kan ti tikah aphan thar deuh ca bik khi asi. Chin American Forum nih Lai holh hmangmi lawng si loin, Chin asimi paohpaoh bawmh an herh ahcun bawmh dih ding asi. Laiholh hmang lo pawl cu kan Forum ah an itel ve lai lo caah mah le pawngkam ummi cio kha hi Forum aa telmi nih kinceh an hau lai. Culengah, Vawlei cung hmun kip ra mi miphun dang zong bawmh aherhmi le kan bawmh khawhmi hna nan pawngkam ah an um ahcun bawmh thiamthiam ding ansi lai. Ziah tiahcun, Chin miphun hi mi nih bawmhmi lawng kan siding asi lo i mibawmtu zong kan sive ding asi.   Chin American Association Chin American Forum ah kan herhning zohchun in aphanthar pawl caah tanpi (advocate)—abiana ah, local refugee zung, national refugee zung le US Cozah sinah phone chawnh piak le catial piak tbt—aherh ngaingai ahcun Chin American Association hi kan thawk te lai. Ziah tiahcun Democracy ahcun pumpaknak in abu min in rian kan tuan tikah alet in hma akal tawn. Idea cu aum cang i aherh ahcun von thawk lawng khi ataang ko. Chin American Association zongah Laiholh hmangmi lawng siloin, Chin vialte huap in tuah asi te lai. US Cozah sinzongah non-profit organization in hmatpungtin te ding zong khi ruahmi cu asi, tuah ava si te ahcun. Chin American Association zong hi Chin American Forum bantuk in refugee kan dih hnu zongah kan nunphung le zalam kilvennak, kan miphun ca rian kan tuannak le kan i funtomnak siteseh tihi saduhthahmi asi.   Chin American Forum luh aduhmi paoh nih nan min, nan email address le nan umnak khua le peng tling tein chinamericanforum@ yahoo.com ah kuat ding asi lai. Nangmah lawng si loin US hmunkip ummi chungkhat le hawi le vialte zong rak chim cio hna u, ahlei in anmah lawng kaa dangah aphan ding le khuasami pawl. Hi rian hi zaanghleicawi in tuanmi asi caah nan duh ning in thil akal cio lo zongah, itheihthiam cio ding hi abiapi ngaingai te lai. Pathian nih lam kan hruai hram ko seh!   Upatnak he lungthiang tein,   Chan Hnin Thui Chin American Forum Maryland, USA ================= Life is like a book, everyday is new pages

International Women's Day

INTERNATIONAL WOMEN'S DAY   Ramkip nih antuah mi international women'day hi 1911 ah an rak thok. Anrak thok nak sullam zong hi nu hi  kan thazang ader nak cung ah nisawh, tlanglamh, nautat le namnet nak nawlneih nak, ti bantuk thleidan nak hauhruang an chimh nak ni khi asi,   Hi nih hin Women right achuah pi. Hi Women right ahringtu cu Human right asi, Kan lai holh cun kan tin co hnga dingmi covo Nu covo ti asi,   Kan nih Lainu hi zeitik ah khin dah hi hauhruang hi acimh ve te hnga. Lainu nih covo puitling khi aho sin in dah kan hmuh hnga?   Lailei lothlo lainu nih Lolam tlun hnu ah pa nak in ahlei in an tuah anttuan mi innlei hnokhnai zanriah timhtuah, khokheng ttawl, inphiah, Vokrawl chuan, Zing Arkhuang thawh le thaithawhchuan, chuncawn fun, lokal nak thil timh, fangsuk, khei/vamh. thing phurh, thilsuk....kut le rian cat ti aum lo   Nau pawi in nauneih tiang Lailei kan nu le nih fa an kan neih ning khi tuak ah tuakngam le ruah ngam zong asi lo, Nau hnipuan zong thilchia thleh mi deuh hman, Thilthlen nak zong ngeih tthittha lo, Hi kong ruah ah cun nguingui thlak in ttah phu asi. Nauneih  nganfah vialte hringhrim bak tuar, Fahdam nak zalhpiak aum lo Sizung um lo nak ah nau neih asi, Ruah ah cun ruah vima awk atam. ruahngam tuak ngam hmanh asi lo   Hi thil har le rianhlei attuan mi Lainu hi aho sin ah dah zangfah zawnruah nak vel... kan hmuh hnga, Hawi khuaram hna nih nu le pa ttuanvo ai khat an ti, Khuaka  ti le tlang ah dah nu hrin covo cu kan kawl hnga, Laipa  nih  lainu kan covo  hi tlawmngaih nak in nan kan pek ve nak lai toidawr nak he kan hal hna, Kanih Lainu hi hawihngar in kum zeizat dah ka um rih hnga, Nuhrin covo, nu nih kan hmuh tik ah cun... Nu tlokciar phunhran tam nih nunnem le bianem kanchim hnga Innrian hnokhnai panih abawmh ah cun Lainu nih  apum thianhlimh nak caan anei hnga, zohrem le dawhdeuh piangdeuh in aittamh kho hnga, A hmaipanh lai, amirh kho lai angan zong adam kho lai. Va le chungkhar cung ah dawtnak tlaihchan nak rem nak achuak lai Vale upat le dawt nak aum deuh lai Inchungkhar ah lomh nak aum lai chungkhar nuam asi lai. Dawt nak rem nak aleng lai. Lairam atthangcho lai,.... Lainu kan hma afak tuk.... hong kan thloppiak cang uh. Kanhma adam ah cun kan tthawng chinchin lai.   --- Source: From: Sui Zi <phaizawng@yahoo.com> Subject: [Lai Forum] International Women's day(8 March) To: tabclairam@googlegroups.com, metkhuabo@yahoo.groups.com, laiforum@yahoogroups.com Date: Monday, March 8, 2010, 9:26 AM ================= Life is like a book, everyday is new pages

USA a phanka mi ca ah Theih-awk

From: Vanthawng Cung <vtcung@yahoo. com> To: Laiforum@yahoogroup s.com Sent: Tue, March 2, 2010 7:15:37 PM Subject: [Lai Forum] US pha'nka mi caah theih awk sawhsawh!     US a phanka mi caah theih awk sawhsawh:     1. Midang hlawh (lah-khah) le kum hal lo ding.   2. Mi naute duh poh in tonghtham le hnamh hman lo ding.   3. Mi inn ah telephone auh hmasa loin kal lo ding.   4. Khuh tik le hathiu (sneezing) tikah banpuam cungah maw, napkin in maw kaa huh ding.   5. Minak pawl theih hngan ah 'nikaru' ti bia chim hrimhrim lo ding. Sal an can lio min asi caah an huat tuk.   6. Theih lomi minung nih innka an kingh tikah on lo ding.   7. Duh poh in mi hmai ah irh lo ding. Cil zong cha'k lo ding.   8. Mi hmai ah pa le pa, nu le nu i kuh lo ding. Baan zong i tlaih lo ding. Hi bantuk a tuah mi cu nu le nu, pa le pa duh a hmangmi (gay & lesbian) ah ruah an si.   9. Mi he i chawnhbiak tikah kut-dong laibawi (middle finger) hman lo ding. Thinhan tik i nehsawh langhternak ca lawngah hmanmi asi.   10. Mi he i chawnh tikah lungtho te le panhlau tein um ding. An mitfalai kha dengteo in zoh ding.   11. Mirang asi mi poh ttih phun in um lo ding.   12. A herhnak zawn ah 911 auh zenh lo ding.   13. Caan upat i zuam zungzal ding.   14. Appointment ngeih tikah a caan tlin hlan deuh ah pha'k khawh i zuam ding.   15. Thianhlimnak biapi ah ruah ding. E'k inn, coka ti bantuk thiang tein chiah peng ding.   16. E'k inn luh dih tikah chaphiat hmang in kut i ttawl peng ding.   17. Nungak dai hman lo ding. Mitsir voikhat zoh kha a za ah ruah ding.   18. Mihrut le pumtlamtling lo nehsawh lo ding. Hmuh tik zongah zoh peng lo ding.   19. Hngakchia le nupi vuak hman lo ding. An theih ahcun thong chungah luh colh asi ko.   20. Kum 13 ri in a tanglei hngakchia anmah lawng kal ta'k lo ding.   21. Ka rim thut ter lo ding. Ha sibawi sinah kum 1 voihnih thianh ding.   22. A rim a nammi rawl le meh chuncaw ah i ronh lo ding.   23. Kum 18 tanglei asi mi nih zu le kuak cawk lo ding.   24. Zurit bu in mawttaw mongh lo ding. DUI i mih khawh asi. DUI cu criminal case asi. Criminal case a ngei balmi cu Green Card le Citizen sawk tikah hnawl piak khawh asi.   25. Rianttuannak le pumhkhawmhnak hmun ah sahdah, khaini le kuva tongh lo ding.   26. Inchungah kuak zuk lo ding. Cozah upadi asi. Na inn asi zongah nangmah nawl asi lo.   26. Mirang he i chawnh tikah theih lomi kha a thei bantuk in um lo ding. Theih mi lawng kha 'Yes' ti ding. Theih lomi cu 'No' ti ding.   27. Rili setpho (beach) kal tik le Ti lionak (swimming pool) kal tik ah pa nih tawhrolh chungnawh he lawng um lo ding. Khup tiang a pha'n mi i hruk ding.   28. Social security number, Bank account number le Medicaid number ti bantuk pawl mi heihter lo ding.   29. Refugee le Asylum status in a ummi nih mi he sik lo khawh chung i zuam ding. Nan i sik sual zongah an tak tongh hrimhrim lo ding. Thinhan buin an tak na tongh ahcun buainak nganpi na tong kho. Na status chuh i kuat khawh na si.   30. 'Thank you' ti le 'Please' ti biafang hi a tam khawh chungin hman i zuam ding.     Siaherhnak he,   Van T. Cung Maryland ================= Life is like a book, everyday is new pages

WRITING STYLES -by Cung Lian Thawng

Writing Styles From: Thomas Bik <thomasbik@gmail.com> Subject: Re: [CCC-Alumni] Writing style kong he pehtlai in halnak To: CCC-Alumni@yahoogroups.com.au Date: Saturday, January 30, 2010, 9:26 PM Catial ning kong he pehtlai in na hun tialmi nih khua a ka ruahter. Kawi Thawng zong nih tling ngaiin a tial cang ko nain, hi bantuk hi a biapi ngai tiah ka ruah phun a si ve ii, ka vun nolh ve ko lai. Kei hi Turabian ka hmang i, a dang APA, MLA ti bantuk hi ka thei lo ti awk a si. Keimah hmuhning sawhsawh ka hun chim ve lai: Na hawinu nih Turabian cu date out cia mi a si a timi belte cu, zei ngai theih lo in a chim caah a si. Theih setsai loin chim a um tawn i, a poi ngaingai. Atu ka kainak Lutheran Theological Seminary ah siseh, a hlan deuh ka kainak Princeton Theological Seminary ah siseh Turabian a kan hman pi. Princeton ka phanhka i orientation kan tuah lio (2005) ah Turabian hi nan hman ding a si tiah international student paoh pakhat cio an kan pek. Cun, nai kan sianginn bookstore ka kal zongah Turabian cu an zuar ko. Turabian hi Chicago Manual in hram lakin timhtuahmi a si, an ti. Chicago Manual he an i lo ngaingai, an hmanning. An chimnak ah Chicago Manual cu catialtu le publishing lei deuh caah a si i, Turabian hi siangngakchia (undergraduate le graduate) nih paper, thesis, dissertation ti bantuk tialnak ah timh deuh a si, an ti. (*** "An ti" ka ti, aruang cu mah tein check than ah a tha, ka palh sual ah) Writing Style hi cu sianginn zong nih a ngaih. Chim duhmi cu, sianginn nih zulh an duhmi kha an siangngakchia zulh an fial hna. Cu bantuk in, cauk namhtu (publishers) pawl zong nih an namh dingmi cauk cu anmah duhning style in tial an fial hna. Bu (Association asiloah Society kan ti ko lai) pawl nih an duhmi style kha an i thim ve. Tahchunhnak ah, Society of Biblical Literature nih cun anmah tein SBL Writing Style timi an ngeih. An society i tonnak i paper presentation tuah duh ahcun an style na zulh hrim a hau. Cun Biblical lei tam deuh nih cun SBL style nan zulh lai ti a si. Hi SBL style nih hin a tam bik cu Chicago Manual le Turabian aa chirhchan an ti. Writing style hi field of study zong he aa pehtlai pah rua. Literature lei nih cun cu deuh, Science lei nih cun cu deuh, humanities lei nih cun cu deuh tiin a um, an ti. Cun, catial tikah a biapi ngaimi cu, kan hmanmi style kha consistent tein hman ding a si. Cu caah, Turabian hi atu tiang ahcun hman ngai a si ko. Baibal sianginn ahcun hihi kan Kan hman lengmang tikah ka palh sual lai maw, timi phan hmanh a um lo. Amah belte update an tuah lengmang i latest i ngeih ahcun a tling bik hnga. Hman ah a tha ngai rih ko. Turabian a har tuk timi belte cu ka pom tuk lo. Style paoh cu cawn le i nek lakin hman zuam an hau. Catial tikah phung ning tein tial ahcun rel zong a nuam. Thancho phunkhat zong a si tiah ka ruah. Atu bantuk in ruahnak nan vun chuahmi hi, kan ruah lem lomi, a thar in a kan ruahter tu an si i, a tha tuk hringhrang. Ka ruahnak ka vun langhter phut ve ko hih. Kan hawile dang zong nih vun ceih cio ve u. Dam tein, Bibik Philadelphia http://biaknakkong.blogspot.com/ ========== 2010/1/29 CungLian Thawng <http://us.mc1111.mail.yahoo.com/mc/compose?to=clt7ellen@gmail.com> Pu Awi nih biahalnak a tuahmi kongah kan u le pawl an lang rih lo nain keimah ngakchia bik ka zuang hmasat ko hih. Kan u le pawl nih rak kan bawm te u law... Writing Style a phunphun a ummi kong he pehtlaiin keimah ka hmuh khawh tawk in ka rak langhter ve hnik tuah lai. Cawnmi ca le hlathlaimi thil, konglam pakhatkhat he pehtlaiin mah le hlathlai deuhmi (specialized discipline) ruangah hi ti hin cattial ningcang aa dan bik hi a si rua ka ti. Cucaah mah le field cio i hman ding tiin cattial ningcang a phunphun in a chuahnak hi a si. An in tinhmi cio aa khat ko hmanh ah cattial ningcang cu tlawmpal tete in dannak an ngei. Cucaah ca pakhatkhat kan ttial tikah, kan hlathlai tikah ruahawk thil a ummi cu: 1. Ka professor, instructor, supervisor nih zei bantuk documentation style dah a duh ti kha theih a hau or Sianginn nih zeibantuk style dah an hman ti kha theih a hau. 2. Professor, instructor, supervisor or Sianginn nih kuttlaih, duhhleimi (preference) a um lo ahcun nangmah nih na duhmi te kha i thim ding asi ko. 3. Na tialning tu kha consistency( hnu le hmai i lo seh) ti khi biapi in an chiah cio caah asi. 4. Cattialning kong he pehtlaiin zulhmi tete (rules or styles) nih aa tinhmi cu mi pakhat khat i a ruahnak fir riangmang i mah ruahnak bantukin hman lo ding (Plagiarism) um hlah seh ti duhnak le Academic Honesty papek kha asi ko. Lungfian deuh nakah MLA style nih cun Humanities studies lei papek in a tuahmi hna caah chuahmi si i APA style cu Social Science or a bikin Psychological studies ca deuh ah chuahmi a si ve. Zei ruangah dah discipline dihlak nih hin aakhatmi Style an hman dih ko lo? Hmang dih hna sehlaw tlam a tling deuh men lai ti zong a ruatmi an tampi. A ruang cu aadang liangluangmi disciplines ruangah aadang liangluangmi zulhmi (citation styles) a chuahnak hi asi ko. Tahchunhnak: Social science or Psychological (APA)a hlat hlaimi nih cun hi document hi zeitik kum (date) i an chuahmi dah asi ti kha Humanities (MLA) lei a hlathlaimi nakin biapi deuh ah an chiah (Update asi maw si lo?). Cucaah mi nih an ttialmi ca pakhat khat an i lak tik ah, MLA nih cun (e.g., Rodrigues 36) tiin a ttial nain APA nih cun (e.g., Rodrigues 1996) tibantuk in a kum (date) kha biapi ah an chiah deuh. Writing Styles tampi a ummi lakah tlawmpal tein an min le an sining ka rak langhter ta lai. 1. MLA (Modern Language Association), 7th edition tiang an chuah cang, 2009 ah. Hihi cu research papers le scholarly articles a tuahtu hna kutken deuh asi. A bikin Literature, art, and humanities lei study a tuahmi hna nih an hman bik. 2. APA (American Psychological Association), 6th edition, 2010. Psychology, education, le social sciences lei a hlathlaimi nih an kutken deuh asi. Kawlram Bible sianginn hna ah cun kan hmang lo ti awk si. 3. Chicago (The Chicago Manual of Style), 15th edition tiang lawng ka theih i 16th edition zong a chuak kho men cang. Hi style hi cu zeibantuk subject ca poah hman khawh dingin chuahmi asi. Tahchunhnak ah physical or natural sciences, le history tibantuk caah. Cun hi style ah hin cattialtu nih a duh deuhmi hmang seh tiah thiamding (choice) hna an telh chih. Kawlram cattialtu le Bible sianginn hna zong nih kan hman pah ngai. 4. Turabian, (A Manual for Writers of Term Papers, Theses and Dissertations) 7th edition, 2007. Chicago Manual nih a hrinmi ti zong ti khawh asi. Tam deuh cu an i khat fawn. Kate Turabian hi University of Chicago ah Dissertation Secretary kum 30 leng a ttuan hnu ah hi Manual hi a hlei in College Students nih zeibantuk subjects ca poah ah hman khawh dingin a chuahmi asi. Cucaah Turabian hi cu cauk topic nih a langhter bangin College ah sianginn ngakchia hna nih Class chung i, or Sianginn i ap dingmi Papers (rather than publication) an ttialmi ca deuh caah tinhmi in chuahmi a si. (APA hna khi cu publication ca tiang zongah tinhmi in tial asi). Note: Kawlram i Bible sianginn tam deuh cu mah hi hi kan hman. Kan hman deuhnak a ruang zong cu sianginn nih required a tuahmi ca i ttialmi ca deuh ah tinh in chuahmi a si caah hi hi kan sining he aa naih bik rua tiah hman cio asi. 5. AMA (American Medical Association). 10th edition, 2007. Medical lei caah deuh asi ve. Kan hmuh bal tuk lo caah tampi ka langhter lo. 6. CSE (Council of Science Editors, formerly CBE, Council of Biology Editors), 7th edition, 2006. Hi hi ca Scientific writings ca deuh ah chuahmi asi. 7. ASA (American Sociological Association) , 3rd edition, 2007. Hi lengah hin Writing styles tampi a um rih lai. Mah le study field cio deuh in a kal caah keimah theihtawk in hi vial hi bawmchantu a si hnga maw tiah ka rak langhter. Cun, na chim bang Turabian hna cu a har ngaimi a lo tak ko. A herh lo tiangin a ttial ti awk khin a um nain hman lengmang ahcun aa ning ngai ve ko. Na hawinu nih Outdate asi cang a timi tu cu a si deuh men lai lo dah ka ti. Bible sianginn i Turabian kan hman deuhnak tu cu ka langhtermi ah khan keimah hmuhning sawhsawh in kan leh ko i kan u le a thei deuhmi nih rak kan bawm te ko uh… APA hman ah teh a poinak a um hnga maw na timi tu hi cu hmasabik i ka langhtermi bang khan nangmah le na professor le na sianginn nawl asi lai cu… Unau hna ka ttialmi ah ka palhnak tampi a um lai. A theimi nih tamdeuh in rak kan chim te u law… Hi hi kan ruah awk ah a tlak ko rua ka ti ve i biahalnak a rak tuahtu Pu Awi cung zongah kaa lawm. Nan unau, Cung Lian Thawng Hong Kong ------------------------------ "Serve with gladness"

Biazai: "Lairam Hmunseh" le "Sinum Dirhmun" by Za Thawng Cin

HMUN SEH LAIRAM   Lai miphun hna chuahsemnak Ram Lai miphun tlonlennak Ram Cung Pathian thluachuahmi Ram Daihnak cerhti putnak Ram Aa dawhbik ko kan Lai Ram   Hmunniam nel ah si loin Tlangsang cung tlakmi khua bang Leibo dong tlangsang cungah Cer ditdet in maw Lai Ram   Ram kulh chungah tlangsangsang Ral hruang kulh bang i suang hna Ramchung fingtlang sang hna nih Leilung hmunhchung Lai Ram ca Nun hmang dingin bia hreng hna   Kan luang ttilai, Ruun tiva bang Dawtnak Rili lei panh in Kan dirtti lai, Fingtlang sang bang Zei thil tthial khawh lo ding in Kan een tti lai, Chokhleipar dawh bang Leimi nih phai len awk in Kan kar lai hmailei panh in Thihthih khat, Nun ah tthen lo in   Tlangsang tamnak Lai Ram Tiva te tamnak Lai Ram Ramsa tamnak Lai Ram Pangpar phun tlingnak Lai Ram Holh phun tamnak Lai Ram Zuuvaa tamnak Lairam Nunphung tthattha Thilthuam tthattha Lam phunphun Zaihla phuntling Ho van hai lo in A ngei i a rum ve mi Lai Ram chung um, Lai miphun   Lai Ram fingtlang Lai Ram tiva Lai Ram thlizil Lai Ram thingram Laimi Nunphung Lai Miphun Vawlei donghtiang A hmun lai   Hmunhram seh kan Lai Ram A vawlei hawi Ram sinah!   Feb 20, 2008   SINUM DIRHMUN Khuari tur vanttek thlak Thlichia ruahsur thei loin Vantawng ruuninn sang cungah Vawlei ngeihchiah chambau loin Lungthli ka tumkhawh pin tiang Duhtlin nun ngei innchungkhar ah Kei Laipa sinum ka ttuan   Zing hungchuak chungkhar kan tling Thisenkhat nupa farual Tthancho nak kong an hun caih Kei cu theihter ka si ti lo   Ei le din tlamtin nak ca Umkheng ttawl le tirawl chuan cu Ttuanvo pek ka si nain Khuasak tintuknak kongah Kei cu kaa caih kho ti lo   Mirum chungkhar ah ka um Mirum chungchuak ka si lo Mirum tthutdan ah ka tthu Tthutdan ngeitu ka si lo Mirum ti le rawl ka ei Tirawl ngeitu ka si lo Mirum innah ka um Inn ngeitu ka si lo   Vawlei thilri tlinnak ah ka um Keimah ta an rak si lo Mirum ihkhan ah ka it Keimah ta a rak si lo Ka nunnih a herhmi thil a tling Keimah ta an rak si lo   Ka tonghthammi thil le ri Ka tthutdirnak inn le lo Ka eidin mi ti le rawl Kaa lawmhpi mi ngeih le chiah Keimah taa an um ttung lo   Midang ngeih le chiah cungah Kei cu hnangam in ka um Ka thil ah ka rak ruah mi hna Zohkhenhtu lawng ka rak si   A nuam bik ko; Ngaidi inn ttet chung tein Zaan thlapa ceu le cerlian ni ceu Bihkhawhnak innchia te le Vanrial ruah zuhnak inn ttet chung i Umkheng chia in rawl thaw lo te Lai chuan tein chuan caan le Mah chuahpimi thilri hna Mah nawl in lai rel khawhnak Mah bawibiknak mah inn lo Mah duhning zalong te nunkha A nuambik ko leicung ah   Sinum nun cu a har ko Ka ngaidi inn ttet te kha Ziah kei ka remhtthan deuh lo! (Lai Ram) Thihhlan mirum inn ah maw Sinum ttuan inn ka liam lai! (Ramdang Peem)   (Ramdang ah kan um nain kan umnak ram hi kan ram a si ti lai lo.) March 21, 2008 (Fri. 11:30 pm)   NB: Mah ca hi Laimi egroups hna ah 27 JAN 2010 ah a thlahmi a si. 2008 lio ah a rak ttialmi a si cang rua. ------------------------------ "Serve with gladness"

Biazai: SEMNAK KAN LAIRAM

SEMNAK KAN LAIRAM                                                           1. Oh, Semnak Lai Ram, Dam in na um maw?    Pardawh phuntling parnak Lai Ram, Ho nih Iang lo    Lai Mi Caah. 2.Ram thatlo Ruang, Semnak kan Ram, kal tak ruangmang    Sianlo bu in, Mangtha rih mu    Maw, Kan Lai Ram. 3. Ram tha panhin Chuah tak ruangmang, LaiRam te cu   Hmanhseh VaiRang kut tang, SAL bang chanchung   Tuan lai hi cu, kan ruat kho lo    Maw, Lai Mi nih. 4. Mifim, Cathiam, Mi za tampi chuakhna    Mah Ram teah, Mah Ramca tuan kho    Zungthu kho a thongthong, Hmanhseh SAL bang Hruaitu hna zong    Mi Ram dangah, Mi Ramdangca, Kuli tuanhna, Lung akuai ko    Lai Mi Thinlung. 5. Inntha, Lotha, Mothor, TV  he Lai Mi hna cu, Khi Ramtha ah    Hmanhseh Nunduh tling hlei lo, Khi Ram zong ah    Eden Lai Ram a hluan hlei lo "REFUGEE LIFE" Cun    Aw! Semnak kan Ram, Lung afak ko    Lai Mi Thinlung. 6. Ramtha hmanhseh, LaiRam Eden ahluan hlei lo    Nu Pi nih Zing, Va le nih Zan, Rianhrang tuan hna, Cozah lo Rian    Nu-Va caan khat, tintling cung ah Lungduh biazai merem thiam lo    Chungkhar hmunkhat, Rawl dum thiam lo    US, Norway, Australia zong nih, Hluan hlei lo    Maw, Kan Lai Ram te Khi. 7. Air condition, cooler hau lo Kan Ram te ah, Ti tha, Thli tha, Khuacaan tha hna    CungZing Pathian Ser Mi Lai ram, Ho nih Iang lo    Atha bik ko, A Sung bik ko, Ai dawh bik ko, kan Ram te hi    Lai Mi Caah. 8. Semnak kan Ram, Lai Ram teah, Kir than nak caan, Um te hnga maw    Khuaza ruatin, lairel thlaza camthawnhna, Nan Sem Hawi    Ramdang um Lai Mi Nih. 9. Zeizong Ser tu, Cung Zing Kan pa    Lai rel hram seh, Ton than  nak ah    Maw, Semnak Kan Lai Ram te he.   Al Bik Lian.    Maryland    USA. NB: Lai Forum ah albiklian45@yahoo.com ID in 28 JAN 2010 ah a thlahmi a si. ------------------------------ "Serve with gladness"

Sapte (Levi Sap Nei Thang) Kongtawi

Levi Sap Nei Thang (Sapte) Rianttuannak tawi U le nau hna,   Atang hi dawtnak rianttuannak in Laimi phun a kan cawisangtu Bawipa salnu Levi Sap Nei Thang (Sapte), Falam asi; Aa hrukmi hi 2008 kum i Hakha Sizung ah thilri a hlut lio ah Zion Baptist Church nih laksawng an pekmi asi. Nai Kawlram Independence Day, January 4 ah khan ralkap cozah, sahrang lungput a ngeimi hmanh nih an lung a suktuk hna caah asi lai, kawlram chungah a um bal lomi Cawimawinak Laksawng an pek. A laksawng min cu "Myanmah Luatlatzi Kungyee Maw-kuun-win" ti asi. Kawlram tuanbia ah hi Laiminu tluk in sifak santlai lo le michambau a bawmchan khomi a hohmanh an um rih lo ti asi. Bawipa ram a kauhter pinah Laimi a kan cawisan tuk hringhran. Bawipa nih Laimi a kan hmanning hi ruah tikah khuaruahhar taktak asi ko. Tleicia kan pa Steven pa nih "Laimi caah van le vawlei aa hnam cang" a rak timi bia ko ka lungah a chuak. Laimi kan caah asi kho lomi thil a um lo ti awk tluk asi cang. A rianttuannak konglam cu www.ilovemyanmar. org ah tlamtling tein zoh khawh asi. Hi kan farnu hi phaisa ngei pi zong asi hlei lo; Bawipa thilti khawhnak bochan in bawmh a herhmi hna bawmh awk ah aa thawh phot vemi tu asi. Nargis thlichia nih kawlram a den lio ah nausem kumkhat hmanh a tling rih lomi he bawmh a herhmi hna bawmh awk ah an kal. Khual lamhla a tlawn karlak ah a dawtbik mi a naute Emmanuel nih Rangoon Hngakchia Sizung ah ruahphak loin a thih taak. A naute cu a thih ahhin thla 11 lawng asi rih. A caah zeitluk in dah zuun tuar a har lai ti cu chim hau lo asi. Sihmanhsehlaw, Bawipa sal ttha asi bantuk in a tuarnak cu michambau mi hna caah thluachuahnak tu ah a canter. Cucaah, a naute min chuankhan in Emmanuel Foundation timi rianttuannak bu pakhat a dirh i rian a ttuan. Amah umnak taktak cu California ah asi nain a herhning in Singapore le Malaysia hrawng zongah a um pah tawn in an chim.     A naute a thih khawh cun a thihnak hmunhma a zoh tikah zeitluk in dah thil tlam a tlin lo kha a hmuh i, Rangoon Hngakchia Sizungpi cu tharchuah dingin cozah sinah nawl a hal hna. Nawl an pek caah Sizung building cu dollar 200,000 (sing-hnih) dih in a remh. An thilri hmanmi vialte zong a thar in a thlen piak dih hna. Aircon system tiangin a thlen dih. Thilri hmanning zong cawnpiaktu a hlan hna i a cawnter hna. Thawnghlat tu hna nih bia an halnak ah a chimmi cu, "Kawlram hngakchia hna hi keimah ka fanute Emmanuel bantuk hin ka dawt dih hna ee" ati. A rianttuannak hmunhma nganbik cu Nargis thlichia nih a dennak Irrawady nelrawn ah asi. Inn ngei lomi caah inn a thong reng lo a sak piak cang hna. Sianginn zong a sak piak hna . Krihfa Biakinn a rawkmi zong a remh piak hna. Cun, a thar a sak piakmi hna zong an um. A tang i sianginn hi tlakrawk in a sak piak cuahmah lio hna asi.   Culawng asi rih lo, Laitlang lei zongah tampi a ttuan. Hakha sizung, Falam sizung le Tiddim sizungah mizaw zohnak seh le an herhmi thilri dangdang tampi a hlut. Cun, Kanpalet le Mindat area ah faak ngaiin a ttuan fawn. Tikhor a cawh piak hna, Hydro electric a bunh piak hna. Motor lam zong meng 200 hrawng a cawh piak hna. Cun, pumpak in kaa lawmhtuk mi pakhat cu, Falam le Kalaymyo karlak lamtluan kiangkap ah Cherry (phaizawng) kung 25,000 (sanghnih le thongnga) reng lo a phun ti asi.   Khuaruahhar asi ko. Hi vialte a rianttuannak ahhin phaisa zeizat remruam dik a dih hnga. US dollar in million tamnawn asi lai ti cu a fiang. Zumhnak in a ttuan i, a hmuh chom in a hman. A ttuan deuhdeuh, a hmuh deuhdeuh ti asi. Bu min in a hohmanh bawmtu a ngei lo. Pumpak zumtu le dawtnak thinlung a ngeimi hna nih an hlutmi lawngte asi. Amah nih a chimmi pakhat cu, "michambau mi hna kan bawmh tik hna ahhin Bawipa aa lawmtuk ee" ati. Kan Laiminu pakhat cungah mahtluk in rianttuan khawhnak thluachuah a tlun cu nan lawmhpi cio ttheo lai tiah siaherhnak he ka hun ttialmi asi.   Lunglawmnak tampi he,   Thiangi pa Maryland Source: Lai Forum mail on 14 January 2010. ------------------------------ "Serve with gladness"

Kumhrabu Buukbau

Kumhrabu Buukbau   2009 kum hlun adih i kumthar 2010 innka aa ong cang i cu chung ah kan hung luut cang hna. Kan vulei pi athlen ning zong hi kum 2000 hnu in arang deuh khun mi a lo ngai. Kum 2000 arak chuah lai hrawng Y2K bug timi a chuak lai, computer program vialte an rawk lai ti bantuk thil umtuning kha vun ruah than ah hin Y2K nih zeihmanh dawn khan lo in rili tilet bang kum le caan cu hmailei ah aluang thluahmah ko i kum 2000 in kumhrabu a vun tuk lawlaw cang i 2010 ah kan hung lut cang hna.   2000-2010 kumhrabu chung kan Miphun aa lehthalning tuak tik ah khuaruah har asi ko. Abikin ralzaam dirhmun in Chin miphun cu kan biakmi Pathian nih akan sersiam dan tete ruah ah lunglomhnak mitthli zong aluang. Kum 2000 i Guam tikulh in Chin miphun cheukhat hna Mainland US ah an hung lut khawh cio in akumvui 2001 ah Malaysia Chin miphun ummi tete zong UNHCR ah hung fuh cio avun si. India ummi kan unau hna zong kum 2000 hnu in ani sersiam nak tete ahung um deuh.   Chinram ah Chin Krifa kumzakhat tlinnak cu 1999 ah kan tuah i akumvui bak in Pathian nih ramkip chuahnak kan kekaar akan hlan ter colh ti awk in kan miphun  ramleng chuahnak cawlcangnak ahung kau deuh colh. 1999 in 2009 kumhrabu ( decade ) innka cu kan khar cang. Hi kumhrabu chung ah zeidah kan miphun nih kan kumhrabu buukbau ah kan khon mi an si, zeidah kan hlonh ding an si timi le zeitin dah kan hmailei kumhrabu hi kan karhlaan ning asi lai timi hi kan theih ahau mi asi.   Kan vulei pi zong phundang in kum 2000 innka a hung i on cangka in buainak/harnak/ nih avun den ve mi chung ah;   2001 September 11 ah vuleicung innsangcem pi vanlawng nih avun pah ruangmang ko i chunmang bang kan vun zoh cio. Minung 3000 leng vutcam ah an ciam ko. Cucu maw ka duh lai tiah vulei pawpi ti in ruah mi US nih Afghanistan / Iraq den avun thok colh ve i Muslim Ralhrang pawl cu hrik le thah kawl bak in a vun kawl hna. 2004 Christmas thaizing ah Indonesia ram Aceh tikulh cu lihnin le buanchukcho nih zanlai ah avun chilh ruangmang i minung 300000 leng an ciam hoi. 2007 September thla ah vuleicung tuanbia ah phungki tamcem nih uktu cozah hmunkhat ah an doh tamcem asi lai dah ti in vuleipi nih kan Kawlram avun cuanh lio ah meithal kuan nih avun hmih phut hoi hna. 2008 May thla ah Minungsermi harnak tuar pin ah vulei uamraal asimi Cyclone Nargis nih Kawlram tlaangleikam cu hmunphiah hui in avun hui ruangmang i Kawlram minung harsat tuarnak cu minung tuahmi hremnak le khuachia sermi harnak nih meihol le cengceh kar taktak ah avun chiah chin chin ko. Minung 300000 leng kan ram ah an ciam hoi.   Adang dang aum rih, 2008 ah Tibet phungki lengluang Tuluk cozah nih an thah mi hna, Sudan ram mipi hremnak, Belarus ram mip tuarnak, Nebuchadnezzar tefa ka si i Babylon pennak ka ser than lai atimi Saddam Hussein cu 2003 ah ekluan nak khurchung in US ralkap nih zu tila bang an vun cawi luaimai ning, Mirang nih saal ah kum zabu tampi chung an rak hman mi hna Africa tefa chung in sal atlaitu hna ram ah November 2008 ah President ahung tling mi Mr. Barrack Hussein Obama kong le The Black President in The White House- Mirang Innchung ah Minak pa an tining.   Kum 2000 hnu in kan vulei pi hi kan lumter ( Global Warming ) deuh lai an ti i Arctic hrawhra tlang pi pi an va cheu hna ruang ah kan rili tilet pi a hninh deuh khun ning, thlichia phunphun, Hurricane Katrina/ Mitch/ Nargis le 2007 in vulei pumpaluk ah sipuazi ( economic ) atlaak ning afak khun ning le kan eimi sa in zawtnak hrik achuak mi, sars, bird flu, swine flu, etc.....   Sicun kan nih Chinland ram teh zeidah athleng, ram zu ( rodents ) nih kan pawcawmnak lo aei rih i kan miphun harnak-mautaam tiang achuahter khawh rih. Kumkul leng chung CNF nih dohthlen nak adirpi cang. Kawl ralkap uktu pawl cu anmah ning te an si i Naypyidaw an va tuah thulh pah in Chin State uktu ah Chin miphun chung in Brigadier General pakhat an kaiter i an kan uk ter. SPDC cu zorlei panh loin feh lei apanh mi an lo, zeicatiah 2008 ah Referendum an tuah, 94% in an tling. Tukum ah Eletion an tuah rih lai. 2003 May lio ah Suu Kyi thah an timh pin ah 2004 October ah General Khin Nyunt le aminung 5000 ek viar in an hui dih hoi ko hna.   Britain Siangpahrang ah saubik ah atel ve mi atu zong atuanmi Queen Elizabeth II nih kan hnu thla ah Christmas Message achimmi ahcun " Church is the Source of Unity " - " Krifa mi hna kan ca ahcun kan Biakinn hi minung pakhat le pakhat i pumkomhnak hrampi asi " ati. Cu nih cun ka thinlung a ka khen ngai ngai. Kan nih Chin miphun hi Krifa kan sinak kum 110 asi cang i kan miphun Unity- pumkomhnak hi duhsah tetein azor lei apanh.   Cucu buu ( denomination ) phun phun kan karh ruang zong ah hin asi i Krifa hruaitu lawng siloin hruaimi mipi hrim hi kan dirhmun a rawh caah asi. Uktu tha lo kan ngeih caah pawcawmnak har in kan vai, kan umnak ram (country ) hi Krifa ram asi lo, holh phunkhat ahmang kho lo mi kan si pin ah ram uk phung ( constitution ) angei lo mi ram ah kumkul leng kan vaivuanh mi nih hin kan lungput ( morality ) fak pi in a kan den nak alanghnak asi.   Kan hmailei kumhrabu chung ah karhlaan nak ding ah zeitin kan um ah dah atha hnga tiah pumpak ruahnak nan ngei cio mi lak ah kei zong ka ruah mi cu;   1. Ramleng um he ramchung ummi he Chin miphun zatlaang nun karhter dih ding - Worldwide Chin Cultural Establishment   2. Chin miphun kan phunglam langhter tu movie/video i thlaak ve in karh ter ding - To spread Chin traditional movie especially among young generation.   3. Biaknak a lawh lo zong ah biakinn pakhat i hrawm ding- church sharing   Mah 3 nak hi aherh tuk in ka ruah. Zeicatiah Biakinn cu kan chiat/that nak kan i hrawm nak hmun asi caah ' nang cu buu / kha buu na si caah kan Biakinn na hmang kho lo ti phun hi miphun pumkomhnak ( national unity ) hrawktu asi ti in ka ruah. Biaknak i lawh lo cu aphung asi ko, asinain Biakinn i hrawm khawh lo cu miphun pumkomhnak kan hlawt bantuk asi. Chim duh mi cu, kan nih Chin miphun cu acawlcang ka te kan si i a fek rih lo mi kan si caah " i hrawm nun - sharing " a herh tuk rih mi kan si.   Gypsy bantuk in khua/ramvai kan si lo ahcun Israel miphun hna bantuk in kan ngeih mi ram ah kan nunnak hrampi hi kan bunh ding asi. Chin miphun caah cun Chinram dah ti lo cu vuleicung zeiram citizen kan va si hmanh ah " khual " kan si ko.   Cafang palhmi le dang dang palhnak um ahcun catialtu tlamtlin lo nak si ko seh.   2010 Kumthar lomhnak nan cung ah tlung ko seh!   Victor Khen Sang Canada victorkhensang@ yahoo.com 3 JAN 2010 ------------------------------ "Serve with gladness"